會考經濟之考生犯錯篇(第7講): Application on perfectly inelastic supply (完全無彈性供給之應用)

踏入Mock exam時期, 相信大多數F5同學正努力操練pastpaper, 大家做咗07-B8(a)嘅話會留意到呢題同05-B9(b)(i) --- 睇番會考經濟之考生犯錯篇(第6講) 同埋06-B9(a) --- 參考吓會考經濟之考生犯錯篇(第5講), 佢哋考嘅concepts同問法非常相似, 同學可重温經濟友响會考經濟之數據分析篇(第8講) 嘅分享。07-B8(a)呢題其實比對上兩年嘅題目仲淺咗, 因為題目話埋俾人聽 “the problem of shortage of university places in Hong Kong has worsened” (香港的大學學額更為短缺), 跟本唔俾機會人諗吓究竟考shortage/surplus (短缺/盈餘) increases/decreases (增加/減少), 簡直係畫公仔畫出腸, 考生唔駛「診斷」條題目, 只需「照單執藥」, 咁當然要識字先識執藥 (即執分)啦。但check番2007年annual report, 發現舊年嘅考生响同一款嘅題目仍繼續頑強地錯, “failed to indicate the initial position correctly in the diagram” (未能在圖中正確顯示原先的情況), 由此證明歷史不斷重演, 所以d題目翻炒再翻炒, 有跡可尋! 咁今年係咪 “一定”會再出番? 經濟友梗係唔保証 “一定”啦! 邊有手術係100%冇風險? 有咩投資係零風險? 經濟友可以講到嘅事實係呢款題目由2005年新課程開始一直都「未甩過」, 所以經濟友 “一定”唔敢博佢唔出囉!

經濟友

會考經濟之考生犯錯篇(第6講): Application on perfectly inelastic supply (完全無彈性供給之應用)

同學有睇過2005年annual report嘅話, 會發現經濟友响24/02/2008 post嘅會考經濟之考生犯錯篇(第5講) 入面提及過考生主要失分嘅原因係審題時冇留意initial position 同final position, 一模一樣嘅毛病其實响05-B9(b)(i)已經出現過。俾親考評局comment考生答得差嘅題目响下一年嚟翻炒嘅機會極高, 所以想知佢出咩題目必先睇吓佢份report寫過咩嘢, 再做埋statistics配合技術分析最少可以tip到一半以上嘅題目, 經濟友有時間嘅話就同大家分享一吓啦!

經濟友

會考經濟之考生犯錯篇(第5講): Application on perfectly inelastic supply (完全無彈性供給之應用)

响06-B9(a)果題有好多考生冇睇清楚initial position (九月份)已有空置房間, 即surplus (超額供給), 而final position (黄金周期間) 空置房間少咗, 即surplus (超額供給)減少。

經濟友

會考經濟之考生犯錯篇(第4講): Application on perfectly inelastic supply (完全無彈性供給之應用)

舊年06-B9(a) (9分)果題, 有好多考生冇睇清楚initial position (九月份) 同final position (黄金周期間)究竟處於equilibrium (均衡) or disequilibrium (不均衡)嘅情況, 有d考生就算知道有surplus (超額供給), 可惜顯示唔到surplus減少而唔見幾分。經濟友見到佢哋大多數畫成以下3個樣:

對吓份marking scheme, 睇吓果3幅圖攞到幾分 (total圖示分數: 6分)?
(i) 在圖上顯示:
-- 九月份價格 > 均衡價格 [1]
-- ab = 九月時的供過於求量 [1]
(ii) 在圖上顯示:
-- 在黃金周期間，需求曲線右移至D’ [1]
-- 價格提高至一新水平(在新價格下仍出現供過於求)[1]
-- 在黃金周期間的供過於求量 = a’b’ [1]
-- a’b’< ab (供過於求量減少) [1]



經濟友俾題exercise考吓你哋啦! 呢題仲問埋total revenue(總收益), 比06-B9(a)再複雜d:



經濟友

會考經濟之考生犯錯篇(第3講): Actual banking multiplier - KA (實際銀行乘數)

呢題關於actual banking multiplier 嘅題目槍斃咗6成半考生, 反映佢哋對actual reserve ratio - ra (實際銀行儲備率), actual reserve – AR (實際銀行儲備額) 同 deposit – D (存款)之間嘅關係唔掂。其實3個步驟就可以啅咗呢條MC。

首先, 題目要求KA 下跌, 由於 KA = 1/ ra , 所以KA下跌, 即係ra 上升。由於 ra = AR/D, 所以ra 上升, 代表AR上升, 因為deposit 冇變。

然後大家諗番個balance sheet:



Balance sheet 左右兩邊要一樣, 由於balance sheet 右面嘅deposit 冇變, 所以當AR (即係balance sheet 左面嘅 reserve)上升嘅話 , loans 就一定要下跌, 因為 reserve + loans = deposit (xxx+yyy=zzz)

最後, 揾出邊個option 會令loans下跌, 果個就係答案喇!

A. 用多咗支票, 唔代表AR上升, 而loans唔會受到影響。
B. loans 上升, 錯啦!
C. 銀行借貸嘅risk (風險)增加, 即更加驚人唔還錢, 於是減少借錢俾人, 即loans 下跌, 所以答案係C!
D. required reserve ratio – 1/rr(最低儲備率)只係會影響maximum banking multiplier – KM (最大銀行乘數), KM = 1 / rr, 唔會影響KA。揀D嘅考生好明顯唔清楚ra 同 rr 點 影響KA 同 KM。

經濟友

會考經濟之考生犯錯篇(第2講): Relationship among nominal, real and price(名義、實質、物價之「三角關係」

分析nominal (名義), real (實質) 同 price level (物價水平)嘅 「三角關係」用文字題模式响Paper 1同MC好常見, 而annual report 反映咗考生睇table (MCQ 34/04)同睇chart (MCQ 30/02) 去分析「三角關係」都好弱吓, 有成75%考生死响呢題。
A. 醒目嘅同學一睇到題目俾咗 nominal GDP (名義本地生產總值) 同price index (物價指數, 即CPI (消費物價指數)/ GDP deflator (本地生產總值平減物價指數), 就知道要諗 real GDP (實質本地生產總值), 諗番 「三角關係」“nominal GDP = real GDP + price level”, 等號右手面price 跌2.7%,等號左手面nominal GDP 跌0.6%, 要左右相等, 咁所以real GDP一定係上升啦, 答案係A喇!
B. 題目冇足夠資料顯示unemployment rate (失業率)上升, 就算deflation (通縮)存在, 都未必反映失業率上升, 因為要視乎unemployed population (失業人口)同labour force (勞動人口)改變嘅百分比。
C. Price index 顯示negative growth (負增長), 反映deflation(通縮)而唔係通脹上升。
D. 題目冇足夠資料顯示living standard (生活水準)下降, real GDP上升, 如果人口不變, 咁 real GDP per capita (人均實質本地生產總值)會上升, living standard 會高咗。

經濟友

會考經濟之考生犯錯篇(第1講): GDP – Expenditure approach(支出計算法)

舊年有7成考生响呢條問GDP 嘅expenditure approach (支出計算法)題目遺下一大灘血迹, 今年翻炒機會好高。只要你忽略以下是但1個point, 你就同嗰7成「烈士」一樣……

1. Expenditure approach : GDP=C+I+G+(X-M)係以market price (市價)計算。
2. 由market price 轉factor cost (要素成本)用呢條式: market price = factor cost + indirect business tax (間接稅) – subsidy, 如果條目俾direct tax (直接稅),可以不理。
3. I包括兩樣嘢, gross domestic fixed capital formation (本地固定資本形成總額) 同埋increase (+)/decrease(-) in stock (存貨增加/减少), 如果條目俾 net 而唔係gross, 咁就要將net 變gross, 用呢條式: Gross = Net + depreciation (折舊)。
4. 幾時要用net income from abroad (對外要素收益淨值)呢個數? 當要由GDP(本地生產總值) 轉GNP(本地居民生產總值) 嘅時候用, apply呢條式: GNP = GDP + net income from abroad。同學要明白net income from abroad 呢個concept, 唔可以淨係識計數, 齋係舊年都出咗兩題MC, see 26/06 & 29/06。GDP 只包括resident producing unit (本地常住生產單位)嘅生產, 而GNP就包括埋D residents (本地居民)响外國嘅生產 ---(+) factor income earned froincome from abroad (對外要素收益流入), 但就冇包括非本地居民响resident producing unit嘅生產 --- (-)factor income paid abroad (對外要素收益流出), . net income from abroad = factor income earned from abroad – factor income paid abroad, 可以係正數/負數, 視乎earn from abroad 定 paid abroad 大D。
5. Net export (淨出口)係唔等於 net income from abroad o架! Net export(X-M)係計落GDP入面, 但 net income from abroad 就唔包括係GDP入面o架!

經濟友