Thursday, July 19, 2007

會考經濟(17/07/2007) ddd問

ddd:你好呀!我係2007年既會考生。我答卷一果陣畫供需圖時,用左綠色螢光筆去表示+/- area!我好驚呀!我想問會唔會成題唔改架!我畫果陣都唔知唔比用綠色架!我睇番你之前d post先知的!萬分感謝!

放心啦! ddd, 經濟友改咁多份卷裡面都有唔少考生用各種顏色嘅螢光筆(包括用粉紅色and綠色) shade area, 完全冇事, 一定唔會成題唔改架, 除非個marker想俾考評局blacklist而以後冇得改public exam試卷啦! 經濟友响度再講清楚d, 同學唔好用red pen (marker閱卷員用) and green pen (checker核卷員用)去答題, pen -「原子筆」, 唔包括「螢光筆」。試卷scan好後會去到marker度改, 改完嘅試卷最後去到checker度檢查marker有冇加漏/加錯分, 所以如果考生用red pen作答, 尤其係數字同符號, 仲要寫响試卷margin位度, 咁樣有可能令marker加少咗分, 而checker亦有可能以為呢d數字同符號係marker寫而冇計加少咗嘅分。Marker and checker一定會睇晒成份卷 (就算見到寫紅色/綠色/歌詞/粗口都要睇晒! 經濟友真係見過有考生响份卷度畫公仔同寫歌詞!可能想話俾marker知佢當時嘅感受), 唔會有心唔改果題, 只係考生「引導」下計少咗分。

經濟友