會考經濟之數據分析篇(第13講): 2009 Paper 1 Analysis (F5 topics)

經濟友

會考經濟之數據分析篇(第12講): 2009 Paper 1 Analysis (F4 topics)

經濟友

會考經濟之數據分析篇(第11講): Demand, Supply and Price 需求,供給與價格(2)

經濟友响22/02/2008同同學分享過Demand and Supply (供求)入面其中一個熱門題目 --- Perfectly inelastic supply(完全無彈性供給) + change in demand/supply (需求/供給改變) + shortage/surplus(超額需求/供給) + area (面積) = Px Q , 即total revenue(總收益), total expenditure(總支出), total market value(總市值)等, 即係幅圖要show晒4大concepts, 大家可睇番 會考經濟之數據分析篇(第8講): Demand, Supply and Price 需求,供給與價格 ,同埋 會考經濟之重點搶分篇(第4講): Application on perfectly inelastic supply (完全無彈性供給之應用)。

今年會考好「正路」又出「打楝」supply嘅應用, 而且仲淺咗, 個圖只需show 3大concepts : Perfectly inelastic supply(完全無彈性供給) + change in demand/supply (需求/供給改變) + area (面積) = Px Q , 即total market value(總市值)。計埋2008年嘅數據, 由2001出到今年 (只响2004年停賽一次), 上名率高達87.5%。

唯一估唔到嘅係應屆考生响呢題 08-B9(b)(ii)嘅表現咁麻麻, 致命原因係題目係郁條demand, 但佢哋就郁咗supply, 大拿拿7分嘅題目就攞咗去打靶, 太「大洗」喇! 其實perfectly inelastic supply呢款題目咁耐都考change in demand, 除咗92年考過change in supply, (經濟友post嘅會考經濟之數據分析篇(第8講): Demand, Supply and Price 需求,供給與價格 裡面曾經講過), 下次同大家分析一吓咁多烈士嘅misconceptions, 希望下年考會考嘅同學就唔好錯啦!




經濟友

會考經濟之數據分析篇(第10講): 2008 Paper 1 Analysis (F5 topics)

今年Macro嘅Section A 題目straightforward 到爆, 有備而戰嘅考生會好容易攞到滿分, 不過部份考生响Section B 題目嘅表現就強差人意。

B10(9M)果條係問Deposit contraction (存款收縮) 過程, 以往pastpaper 都出過幾次creation (創造) & contraction過程– 97-B9(c), 98-B9(a), 03-B11(b)(ii), 04-A6, 叫做係有得背吓嘅題目, 不過有考生竟然「自殺式玩嘢」, 改埋題目咁答Deposit creation (存款創造), 「豪盡」4分俾人。而計數果part 只有醒少少嘅考生至識計。

至於B11(d) 果題係例牌答得差嘅GDP 題目, 大部份考生都睇唔清楚題目問part (i)低過30億定係 part(ii)超過30 億。不過考評局今年都算鬆手, part (i) 果度, 只要考生嗡得出「二手貨」, 「存貨」而冇relate to 題目入面嘅出口貨品都可以「賺」到1 分。Part (ii) 果度如果考生寫唔到「生產出口物品帶來的相關生產活動減少」, 只講到消費(C), 投資(I)下降而冇relate to 出口物品都可以「呃」到1 分。考評局呢part題目total 送左2 分俾考生 (仲有幾題都有送分), 所以鍾意鬧考評局嘅人聽到之後下次唔好鬧咁盡喇!



經濟友

會考經濟之數據分析篇(第9講): 2008 Paper 1 Analysis (F4 topics)

經濟友睇過今年Paper 1考嘅F4 topics算好「正路」, 問法都同以往pastpaper差唔多。只不過係Section A 第1題俾人覺得好d玩嘢咁, 一開閘就嚇親一批喪煲pastpaper而應變力較弱嘅考生, 因為响Demand and Supply (供求)呢個topic入面以前未出過齋用文字寫出有咩嘢會影响需求。話說考完當日, 經濟友有個學生返咗嚟問呢題要答d乜, 佢話有朋友同佢講要答demand-side factors affecting GDP (從需求方面解釋影响本地生產總值的因素)喎！個學生話即時嚇死咗。其實呢d朋友就好似「人肉google」, 一見到”demand-side factor” (需求方面的因素)幾隻字就發揮search engine嘅 function, 「好pro」咁揾番佢哋响pastpaper見過嘅呢幾隻字嘅題目, 結果就答咗9唔搭8嘅GDP嘢落去, 簡單送分嘅題目就因為「斷章取義」式嘅審題法白白「送番」4分俾人。

經濟友

會考經濟之數據分析篇(第8講): Demand, Supply and Price 需求,供給與價格

Demand, Supply and Price (需求,供給與價格)响Paper 1 (總共: 90分)入面, 未計effective communication(傳意技能)嘅分數(共6分), 已分佔咗十幾廿分, 由2005年新syllabus開始, 每年出兩至三款題目, 包括05-A1(5M), 05-B9(a)(6M), 05-B9(b)(6M)
06-A1 (6M), 06-B9(a)(9M), 07-B8(a)(6M), 07-B9(c)(9M).

經濟友睇番以往十幾年pastpaper出過嘅題目, 主要可分成五大款式, 而出得最勁嘅其中一款就係perfectly inelastic supply (完全無彈性供給)。意思係no matter how price changes, quantity supplied remains unchanged (無論價格如何改變, 供給量不變), 睇番2001至2007年嘅 Paper 1, 呢款題目年年都出 (只响2004年停賽一次), 上名率高達85.7%。大家可參考經濟友28/04/2007 post嘅會考經濟之重點搶分篇(第4講): Application on perfectly inelastic supply (完全無彈性供給之應用)。

鍾意捉路嘅朋友應該會留意到shortage(超額需求)集中响單數年份考(01, 03, 05, 07), 而surplus(超額供給)集中响雙數年份考 (02, 06)。就睇到考親必定考3大concepts --- perfectly inelastic supply(完全無彈性供給) + change in demand/supply (需求/供給改變) + shortage/surplus(超額需求/供給), 另外有兩大remakrs提番同學:

1. 近十幾年試題只考過change in demand, (除咗92年考過change in supply)
2. 近10年pastpaper曾經有3次玩埋area (面積) = Px Q , 即total revenue(總收益), total expenditure(總支出), total market value(總市值)等, 題目包括99-B11a(8M), 01-B10(c)(i)(7M), 02-B11(b)(7M), 即係幅圖要show晒4大concepts.

話就話會考Econ d題目係random咁出, 經濟友解剖過去十幾年pastpaper, 發現仲有好多其他topics 嘅題目係randomly出得好有pattern! (好似股票嘅技術分析一樣!) 經濟友嚟緊會繼續同大家分享呢款6-9分嘅題目。


經濟友

會考經濟之數據分析篇(第7講):Checklist of definitions (定義一覽表)

Xtadpolex 問: 有冇人有ce 裹要背的 definition ar? 有冇一張有齊所有ｃｅ要背的definition list


會考經濟裡面要讀嘅definition(定義) 有好多, Paper 1考過F4學嘅concepts有呢d:



响Paper 1度一見到“state” the law of diminishing marginal returns (「寫出」邊際回報遞減定律), “name and explain” what type of expansion (解釋上述情況屬於何種類型的擴張) 呢類題目, 只要寫到定義就執到幾分。

經濟友提番同學,齋靠「死背」定義响某d 題目係攞唔到分, 例如舊年06-A2大部份考生都講到opportunity cost(機會成本) 嘅定義, 但可惜衰答題技巧而攞唔到full mark, 甚至攞0分! 同學可以睇番會考經濟之答題技巧篇(第4講)。又例如題目問响某d交易計唔計落GDP (本地生產總值), 一味靠「死背」定義嘅考生就食蛋喇! 同學可以參考吓會考經濟之答題技巧篇(第1講)。

經濟友

會考經濟之數據分析篇(第6講): Weighting of F4 topics in Paper 2 (中四各課題於卷二所佔比重)

Demand and supply 响MC都係佔一哥地位, 平均每年有8題, 玩法同Paper 1 唔一樣, Paper 1考砌圖, 即係將題目俾嘅資料砌成一幅圖, 而MC仲要考埋睇圖、睇表加分析 , 一般考生最難handle嘅係用圖表形式考 quota (配額), tax (稅), subsidy (津貼) 同 price elasticity of demand and supply (需求及供給價格彈性)嘅分析。冇錯! 就係呢個位掟甩d一般考生, 咁攞credit機會就大好多。其他 topics有一堆係靠記, 例如business ownership同 factors of production, 做呢d題目勤力係唔夠o架, 新界d牛夠勤力啦! 最緊要夠小心, 因為年年都有幾題陰濕嘢跣人, 對象係d一般考生, 睇番annual report, 每年都可以揾到最少6條accuracy低過40%嘅題目。 要攞Ａ係唔可以錯多過4題, 所以要好小心審題啦!

經濟友

會考經濟之數據分析篇(第5講): Weighting of F4 topics in Paper 1 (中四各課題於卷一所佔比重)

睇番近10年嘅structural questions, 中四課題裡面嘅 Demand and supply霸佔咗25%, 佔第二位嘅係Input, output and cost, 特別一提嘅係呢個topic 响今年份卷 「晒冷」, short run (短期)嘅 law of diminishing marginal returns (邊際回報遞減定律) 同埋long run(長期)嘅 economies of scale (規模經濟)都「瞓身」出齊, 埋單一共13分, 題目問得好standard, 有操過pastpaper嘅考生肯定咀“lam lam”咁行出試場啦! 其次重要嘅係 factors of production (生產要素)同 opportunity cost (機會成本)嘅concepts. 經濟友建議同學擺多d時間鋤掂呢幾個topics先, 留番小小力温埋其他果幾課。

經濟友

會考經濟之數據分析篇(第4講):2007 Paper 1 Analysis (2007卷一分析)

今日一打鐘放lunch, 有幾個F4學生即刻走嚟問經濟友今日份econ卷深唔深? 中四考嘅嘢邊d topics 出得多? 邊d冇出? 會唔會2008年出?

成份卷嚟講, Section A 勁淺, Section B 整體都唔難, 好多翻炒, 只有1 題裡面嘅1 part 問嘅term 冇响marking scheme見過, 可能會難到一批背marking嘅發燒友。


F4同學上下學期應該學咗以下7個topics:

今年份paper 1出咗呢d, 大家睇一睇啦!


經濟友

會考經濟之數據分析篇(第3講): 奪A要咩成績?

上學期開學冇幾耐已有F4同學問經濟友呢嗰問題, 究竟Paper 1 要攞幾多分先A到? MC唔可以錯多過幾多題個A好穩陣? Overall嚟講,會考攞A要達到90%, C 要達到73%, 而Pass就要達到44%。

會考經濟之數據分析篇(第2講): MC 分析 (1997-2006)

以往有好多有potential 攞A嘅同學問經濟友,明明Paper 1做到around 80分, MC 又識晒,以為A到, 點解都撻Q?其實大多數係因為MC錯多過4題所致。翻查過去幾年嘅MC report, 每年平均最少有6題好tricky嘅問題 跣D考生 (accuracy 低於40%)，致命嘅根源主要係Demand, supply and price(需求,供給與價格)、Money and banking (貨幣與銀行) 、National income accounting (國民收入計算) 、Public finance (公共財政)呢4大topics，經濟友建議同學多D操練呢4課MC要害,必須掌握唔同款式的問法(無論文字題,睇table,睇graph,計數或分析),齋靠死背定義一定唔work o架!

經濟友

會考經濟之數據分析篇(第1講): Structural Question分析 (1997-2006)

跟據統計，精通Demand and Supply 嘅題目可穩奪全卷25%或以上的分數。經濟友建議同學除咗勁鋤Demand and Supply 嘅pastpaper外,仲要煲行F5果5個重分topics - Money and Banking(貨幣與銀行)、National Income Accounting(國民收入計算)、Inflation, Unemployment & Business Cycle(通脹、失業及經濟周期)、Public Finance(公共財政) 同埋International Trade(國際貿易), 佢哋每個topic佔10分, 加埋佔全卷約60%的分數。