會考經濟之考生犯錯篇(第4講): Application on perfectly inelastic supply (完全無彈性供給之應用)

舊年06-B9(a) (9分)果題, 有好多考生冇睇清楚initial position (九月份) 同final position (黄金周期間)究竟處於equilibrium (均衡) or disequilibrium (不均衡)嘅情況, 有d考生就算知道有surplus (超額供給), 可惜顯示唔到surplus減少而唔見幾分。經濟友見到佢哋大多數畫成以下3個樣:

對吓份marking scheme, 睇吓果3幅圖攞到幾分 (total圖示分數: 6分)?
(i) 在圖上顯示:
-- 九月份價格 > 均衡價格 [1]
-- ab = 九月時的供過於求量 [1]
(ii) 在圖上顯示:
-- 在黃金周期間，需求曲線右移至D’ [1]
-- 價格提高至一新水平(在新價格下仍出現供過於求)[1]
-- 在黃金周期間的供過於求量 = a’b’ [1]
-- a’b’< ab (供過於求量減少) [1]



經濟友俾題exercise考吓你哋啦! 呢題仲問埋total revenue(總收益), 比06-B9(a)再複雜d:



經濟友

會考經濟(30/04/2007) wing問:

經濟友上次叫同學諗下呢兩個問題:
(1) RMB (人民幣)兌 USD (美元)升值令港人對內地入口總值會有咩影響?
(2) 大陸中央電台爆料, 香港邊d黑店賣假嘢, 咁香港出口總值有咩影響?

wing 問: 1) RMB 兌 USD 升值,USD貶值,港元都貶值令港人對內地入口總值會有上升,因為對內地入口price上升,quantity demanded 下降2) 香港出口總值下降,因為出口demand下降,出口price下降,quantity demanded 上升係咪咁??

(1) USD兌RMB貶值,因為HKD-USD聯繫滙率關係, 所以HKD兌RMB貶值, 以港元為單位之入口價格上升, 需求定律解釋到入口數量下降。若以HKD為單位, 價格上升,數量下降, 所以入口總值係uncertain, 視乎需求彈性而定。若以RMB為單位, 價格冇變, 數量下降, 所以入口總值會下降。(quantity demanded 下降)

(2)內地人驚買假嘢, 對香港貨嘅需求少咗, 條demand curve 左移, 價格同數量一齊下降, 所以香港出口總值會下降。 (demand 下降)

經濟友

會考經濟(29/04/2007) star問:

star : 我想問吓匯率改變會導致需求改變定需求量改變??例: 港元兌日圓貶值令港人對日本車的____下降?!

Star,

因為exchange rate 改變,( 即price改變) 只影響quantity demanded (需求量),而唔係因為other factors (其他因素) 改變, 所以唔係影響demand (需求), 即係話demand curve 唔會左移/右移。如果HKD depreciates against JPY (港元兌日圓貶值), 咁香港人眼中嘅日本車價格貴咗, 因為要用多咗HKD去換 JPY 黎買日本車, 換句話講, price of imports in terms of HKD (以港元為單位之入口價格) 上升, 所以對日本車嘅quantity demanded (需求量)會下降。幾時會港人對日本車嘅需求下降? 任何其他因素 (except price)就會發生, 譬如因為歐洲車食油勁而令港人移情別戀走去買日本車, 即substitutes (代替品), 所以對日本車嘅demand 會下降囉! 明白嗎, star?

經濟友贈多同學兩句 , 會考勁鍾意考人識唔識分辨demand同quantity demanded 嘅改變, 响Paper 1 嘅Section A 已見唔少,近期有 00-A2 (7分), 01-A2 (5分), 05-A1(5分) , 而 exchange rate 加 demand and supply 嘅題目離離去去果幾款, 上名率最高嘅Exchange rates & Ed + area (率,需求價格彈性+面積) 舊年出咗, 淨番仲有咩concept考? demand vs quantity demanded, 參考 吓05-A1,再撈埋linked exchange rate system (聯繫滙率), 聯繫滙率對上果次出係2002年。不如大家諗吓下面兩個例子屬於demand 改變 or quantity demanded 改變?:
(1) RMB (人民幣)兌 USD (美元)升值令港人對內地入口總值會有咩影響?
(2) 大陸中央電台爆料, 香港邊d黑店賣假嘢, 咁香港出口總值有咩影響?

經濟友

會考經濟(29/04/2007) Ben問:

我想問下$HK depreciate against $JAP.Q1: will the export VALUE increase in term of $HK?Q2: will the import VALUE decrease in term of $ JAP?如果以上的說法是對的話,個2幅圖應該如何畫呢?

Ben,

不過, 題目冇講清楚係問Hong Kong or Japan嘅export value (出口總值), 亦都冇講清楚係問Hong Kong or Japan嘅import value (入口總值), 如果題目所問嘅係指Hong Kong, 你答啱啦, Ben!

Question 1:export方面, export price in terms of JPY (以日圓為單位之出口價格) 下降, law of demand (需求定律)解釋到 export volume (出口數量) 上升, 由於 export price in terms of HKD(以港元為單位之出口價格)冇變, export volume上升, 咁所以export value in terms of HKD(以港元為單位之出口總值)會上升。

Question 2:import方面, import price in terms of HKD (以港元為單位之入口價格) 上升, law of demand (需求定律)解釋到 import volume (入口數量) 下降, 由於 import price in terms of JPY(以日圓為單位之入口價格)冇變, import volume下降, 咁所以import value in terms of JPY(以日圓為單位之入口總值)會下降。

要畫圖顯示price唔變, quantity 上升/下降, 有兩個可能性, 第一, demand上升/下降, 即demand curve (需求曲線)左移/右移, 而price 維持唔變,; 第二, demand curve 打橫, 所以price維持唔變,, 只顯示quantity上升/下降。因為exchange rate 改變,( 即price改變) 只影響quantity demanded (需求量),而唔係因為other factors (其他因素) 改變, 所以唔係影響demand (需求), 即係話demand curve 唔會左移/右移, 咁咪唔會係第一個可能性, 而係第二果個。 Marking scheme 未見過呢幅圖?梗係啦! 會考從未試過叫人畫d唔係downward sloping (向下傾斜) 嘅demand curve, 可以放心, Question 1 and 2呢種問法响會考唔會考畫圖, 淨寫解釋 , see 06-B10(a)(iii) (2分) 。睇番十幾年前嘅pastpaper, Exchange rates & Ed + area (率,需求價格彈性+面積)題目係常客, 考同學當price 上升(下降), quantity下降 (上升)嘅時候, Ed 會點至令到export/import value上升/下降, see 98-B11(b)(8M), 02-B12(a)(ii)(7M), 06-B10(a)(ii)(6M)。大家不妨參考番 “會考經濟(20/04/2007) SonofEco 問”經濟友寫嘅remarks, 希望會幫到大家啦!

經濟友

會考經濟之重點搶分篇(第4講): Application on perfectly inelastic supply (完全無彈性供給之應用

Demand and supply (供求) 一般响 paper 1每年出3題, Section A 有1題, Section B 有２題, 加埋20幾分。 MC 就每年平均8題。




用real-life situation應用perfectly inelastic supply 呢個concept, 例如包括 public medical service (公共醫療服務)、football match tickets (足球門票)、taxi license (的士牌照)、maximum capacity of MTR trains (地鐵列車最高乘客限制), hotel rooms available (酒店房間數目) 等嘅題目, 起源於1991年, 喺呢16年裡面, 總共考咗11次, 响paper 1嘅上名率達70%, 而今年會考嘅同學, 參考番近5年 pastpaper 1, 由2002 – 2006年裡面考咗4次 (淨得04冇考), 上名率高達80%。

呢類型嘅題目通常以perfectly inelastic supply, 考shortage/surplus (超額需求/供給)嘅改變 see 93- Q3(c) (8分), 03-A1(7分), 05-B9(b)(i) (6分), 06-B9(a) (9分), 有時考total revenue/ total expenditure(總收益/總支出) , 即price x quantity (價格 x 數量), see 91-Q2(b)(8分), 92-Q1(d) (10分), 94-B11(b)(7分), 95-B9(a) (7分), 99-B11(a) (8分), 01-B10(c)(i) (7分), 02-B11(b) (7分) , 同學仲要諗埋demand (需求) 或 supply(供給)有冇改變, 就好似03, 05, 06年題目, 要顯示 demand curve 左移/右移後, shortage/surplus如何改變, 經濟友遲d會講吓舊年果題 06-B9(a) 考生衰d乜。

經濟友

會考經濟Mingming (27/04/2007)發表意見

Mingming 發表意見: econ唔係課課都考暈既咩??都冇話邊課唔考....kelvin ko都話個個topic都係大熱....真係吹佢唔脹...=0=

回應mingming嘅意見:

冇錯! paper 1 加埋 paper 2 的確係セ都考晒。「個個topic都係大熱, 要温晒」? 名師竟然講咗個咁有point嘅提示俾同學, 佩服!。大家學到嘢喇, 下次可以話俾d「堅料」人,「山係石頭, 海係水」, 「阿媽係女人」等, 實冇人challenge到你。 其寞話邊 d topics 係重點同多分d, 邊 d topics 冇咁重要同少多d , 咁講可能會好d。

得番5日時間就考econ, 點温先最合乎經濟效益? 雖然有d同學聽阿sir同miss講, 訂咗時間表, 今日温chapter 1-4, tmr温 chapter 5-8 ……經濟友唔係鼓勵同學tip題讀, 亦唔係話訂時間表冇用, 只不過希望同學apply番econ學咗嘅嘢, 將資源有效咁分配好, 建議大家先煲重點搶分topics先 (參考數據分析篇第1-2講), 有時間先温埋分數較少嘅topics, 因為你d 時間好有限, 如果將d時間温晒econ 而温唔到其他科, opportunity cost (機會成本)太高喇。曾經聽過有同學話 Demand & Supply 同F5 macro嘢好多唔識, 所以齋讀F4 除咗Demand & Supply 之外嘅 topics。千祈唔好呀! 點都要揀2個冇禁多唔明嘅 macro topics鋤番掂佢, 否則pass 會好「蚊」。

經濟友

會考經濟(27/04/2007) samgbhk 問:

samgbhk 問: Should i do the old pp(before 2000)???mc part

pastpaper MC 要做幾多年? 想攞A, 操多d , 最好做晒近10年, 即97-06。得番5日時間, 唔使分topic做, 計時1年年咁做, 操得熟嘅意思係掌握考試題目嘅模式, 同邊d 重要concept番炒, 通常會點問, 同埋訓練速度 (平均每題72秒)。千祈唔好以為做多幾次而記熟晒答案就覺得掂!

經濟友

會考經濟(24/04/2007) annaboa 問

annaboa 問: what is the demand relationship between fish and fishfeed?derived demand??joint demand?competitive demand?

annaboa,

首先要搞清楚derived demand (衍生需求), joint demand (complements相輔物品) 同埋competitive demand (substitutes代替品)嘅意思先。

Derived demand: 譬如要起多D樓嘅時候, 地產發展商會買多D水泥去起樓, 咁demand for 水泥就叫derived demand喇。Complements: 譬如多D人買DVD响屋企睇戲, 齋有DVD機但冇DVD碟係睇唔到戲, 所以D人會去買DVD碟, 呢個叫complements, 小心咪將complements 同derived demand 撈亂, complements 係要同時用先「有料到」, 即係要DVD機同碟一齊先有野睇, 但 derived demand就有先後嘅因果關係, 要有水泥先可以起樓, 唔係水泥同樓一齊用。Substitutes: 譬如coca-cola 同pepsi, 如果coca-cola買咗, 有D人會移情別戀去買pepsi, 呢個叫substitutes。

Annaboa, 咁你話如果多咗人養魚, 咁佢地會去買魚糧, 敢你話係以上邊一種呢?

經濟友

會考經濟之考生犯錯篇(第3講): Actual banking multiplier - KA (實際銀行乘數)

呢題關於actual banking multiplier 嘅題目槍斃咗6成半考生, 反映佢哋對actual reserve ratio - ra (實際銀行儲備率), actual reserve – AR (實際銀行儲備額) 同 deposit – D (存款)之間嘅關係唔掂。其實3個步驟就可以啅咗呢條MC。

首先, 題目要求KA 下跌, 由於 KA = 1/ ra , 所以KA下跌, 即係ra 上升。由於 ra = AR/D, 所以ra 上升, 代表AR上升, 因為deposit 冇變。

然後大家諗番個balance sheet:



Balance sheet 左右兩邊要一樣, 由於balance sheet 右面嘅deposit 冇變, 所以當AR (即係balance sheet 左面嘅 reserve)上升嘅話 , loans 就一定要下跌, 因為 reserve + loans = deposit (xxx+yyy=zzz)

最後, 揾出邊個option 會令loans下跌, 果個就係答案喇!

A. 用多咗支票, 唔代表AR上升, 而loans唔會受到影響。
B. loans 上升, 錯啦!
C. 銀行借貸嘅risk (風險)增加, 即更加驚人唔還錢, 於是減少借錢俾人, 即loans 下跌, 所以答案係C!
D. required reserve ratio – 1/rr(最低儲備率)只係會影響maximum banking multiplier – KM (最大銀行乘數), KM = 1 / rr, 唔會影響KA。揀D嘅考生好明顯唔清楚ra 同 rr 點 影響KA 同 KM。

經濟友

會考經濟之重點搶分篇(第3講): Deposit creation/contraction (存款創造/收縮)

除咗functions and properties of money(貨幣的功能及特質)重要之外, 同學冇可能唔知呢個topic勁重要, 除非冇讀經濟啦! 題目離離去去都係俾balance sheet (資產負債表), 首先考計數, 然後考解釋。大家如果有操晒近10年嘅pastpaper, 會見到每年平均考8分, 近呢幾年例如01-B10(a)&(b) (8分), 02-B10(a) (9分), 03-B11(b)(ii)&(c) (8分), 04-A6 (8分)。

至於計數嗰part, 經濟友提醒同學三樣嘢, 第一, 要睇清楚題目俾嘅banking system (銀行系統)一開始嘅時候有冇excess reserve (超額儲備), 睇錯咗呢part就全炒o架喇! 一開始嘅時候有excess reserve, see 2000, 2002年果兩題, 一開始嘅時候冇excess reserve, see 2001, 2003, 2004, 2005, 2006年果5題。第二, 留心題目係問maximum change in deposit (最高存款改變), 如果正數---creation, 負數---contraction, 或者問maximum amount of total deposit (最高總存款額), see 00, 01, 03, 05 (單數年份考) , 或者問 money supply (貨幣供應), see 00, 02, 04 (雙數年份考), 今年考邊款? 諗考你考邊年啦! 會唔會响paper 1 入面考晒兩款? 會, repeat會考咪兩款試暈囉! 第三, 記得唔好漏unit (單位), 例如 $ million (百萬元), 唔好咁無聊, 將 $1m 變成 $1 000 000, 如果多/少咗個 0就冇分!

前年同舊年出卷果位人兄好忍得手, 竟然罕有咁只考咗4分, 仲齋考計數, 唔駛解釋see 05-A5 (4分), 06-A6 (4分),同學小心今年會考番解釋---process of deposit creation/contraction (存款創造/收縮之過程), see 97-B9(c), 98-B9(a), 03-B11(b)(ii), 04-A6(b), 或者問點解actual money supply (實際貨幣供應) 會細過 maximum money supply(最大貨幣供應), see 02-B10(a).

經濟友

會考經濟之考生犯錯篇(第2講): Relationship among nominal, real and price(名義、實質、物價之「三角關係」

分析nominal (名義), real (實質) 同 price level (物價水平)嘅 「三角關係」用文字題模式响Paper 1同MC好常見, 而annual report 反映咗考生睇table (MCQ 34/04)同睇chart (MCQ 30/02) 去分析「三角關係」都好弱吓, 有成75%考生死响呢題。
A. 醒目嘅同學一睇到題目俾咗 nominal GDP (名義本地生產總值) 同price index (物價指數, 即CPI (消費物價指數)/ GDP deflator (本地生產總值平減物價指數), 就知道要諗 real GDP (實質本地生產總值), 諗番 「三角關係」“nominal GDP = real GDP + price level”, 等號右手面price 跌2.7%,等號左手面nominal GDP 跌0.6%, 要左右相等, 咁所以real GDP一定係上升啦, 答案係A喇!
B. 題目冇足夠資料顯示unemployment rate (失業率)上升, 就算deflation (通縮)存在, 都未必反映失業率上升, 因為要視乎unemployed population (失業人口)同labour force (勞動人口)改變嘅百分比。
C. Price index 顯示negative growth (負增長), 反映deflation(通縮)而唔係通脹上升。
D. 題目冇足夠資料顯示living standard (生活水準)下降, real GDP上升, 如果人口不變, 咁 real GDP per capita (人均實質本地生產總值)會上升, living standard 會高咗。

經濟友

會考經濟之重點搶分篇(第2講): Effects of inflation (通脹的影響)

呢個topic分3部份: Inflation(通脹)、unemployment(失業) 同埋business cycle (經濟周期), 經濟友分析過去10年嘅Paper 1, 睇到business cycle 只係出咗1次咁大把, see 00-A6, 估計可以用data同GDP搭單考。Unemployment 就問咗3次 用數式去解釋unemployment rate(失業率)嘅改變, 响 2000, 2003, 2006考咗, 今年抖吓啦! 而 inflation 就由1998 至2005係咁出, 淨係响2000同舊年停賽, 所以經濟友有理由相信佢「儲夠砲」再戰江湖, 而且呢個topic平均每年考9分, 但舊年只考咗4分, 今年仲唔報仇咁出咩!尤其係effects of inflation 嘅分析nominal (名義), real (實質) 同 price level (物價水平)嘅 「三角關係」, 大部份題目都係俾咗nominal同 price level 嘅方向, 然後問real會點? Gain/lose during inflation/deflation (通脹/通縮期間得益/損失)? 同學要小心如果响inflation時加nominal wage(名義工資), 我地要諗清楚邊個嘅percentage increase (上升的百分比) 大D, 先可以斷定real wage (實質工資)多咗定少咗。經濟友長氣咁remind同學, 記得講清楚邊個升/跌, 同埋一定要寫percentage, 咁個A會穩陣, see 99-B11(c), 02-B12(b)(ii), 03-B9(c), 05-A7。有同學走嚟問經濟友, 有冇其他問法考呢「三角關係」o架? 大家不妨試做呢題啦!

經濟友

會考經濟之答題技巧篇(第2講): Unemployment rate (失業率)

舊年會考卷改到06-B9(c)先知原來有咁多人响用數式去解釋一D concept咁唔掂。經濟友俾D remarks 同學啦:
1. 可用文字表達數式, 如果答到 「失業率是失業人口佔勞動人口的百分比」一樣攞到呢1分。
2. 好多考生答 “change in unemployed population = change in labour force” (失業人口改變的幅度 = 勞動人口改變的幅度”), 咁答就食蛋喇! 第一, 唔可以寫幅度, 一定要寫percentage (百分比), 咁就執2分, 第二, 唔可以齋寫change (改變), 一定要講清楚改變嘅方向, 即係寫increase/decrease (上升/下降), 咁就執埋果1分, 咁咪full mark囉!
3. 用數式去解釋 unemployment rate 其實响00,03,06出過, 例牌4分, 經濟友見佢出得咁有pattern, 估最快都等兩三年後再考。
4. 舊年呢題牲犧咗嘅人remind大家今年會考答price elasticity of demand + total revenue/total expenditure (需求價格彈性 + 總收益/總支出)題目, 記得首先指出係elastic/inelastic demand (高/低需求價格彈性)---1分, 跟住要講到price 同quantity係升定跌---1分, 仲唔好漏寫 percentage (%) ---2分, 未計畫圖分, 淨解呢part都已執咗4分啦!

經濟友

會考經濟之考生犯錯篇(第1講): GDP – Expenditure approach(支出計算法)

舊年有7成考生响呢條問GDP 嘅expenditure approach (支出計算法)題目遺下一大灘血迹, 今年翻炒機會好高。只要你忽略以下是但1個point, 你就同嗰7成「烈士」一樣……

1. Expenditure approach : GDP=C+I+G+(X-M)係以market price (市價)計算。
2. 由market price 轉factor cost (要素成本)用呢條式: market price = factor cost + indirect business tax (間接稅) – subsidy, 如果條目俾direct tax (直接稅),可以不理。
3. I包括兩樣嘢, gross domestic fixed capital formation (本地固定資本形成總額) 同埋increase (+)/decrease(-) in stock (存貨增加/减少), 如果條目俾 net 而唔係gross, 咁就要將net 變gross, 用呢條式: Gross = Net + depreciation (折舊)。
4. 幾時要用net income from abroad (對外要素收益淨值)呢個數? 當要由GDP(本地生產總值) 轉GNP(本地居民生產總值) 嘅時候用, apply呢條式: GNP = GDP + net income from abroad。同學要明白net income from abroad 呢個concept, 唔可以淨係識計數, 齋係舊年都出咗兩題MC, see 26/06 & 29/06。GDP 只包括resident producing unit (本地常住生產單位)嘅生產, 而GNP就包括埋D residents (本地居民)响外國嘅生產 ---(+) factor income earned froincome from abroad (對外要素收益流入), 但就冇包括非本地居民响resident producing unit嘅生產 --- (-)factor income paid abroad (對外要素收益流出), . net income from abroad = factor income earned from abroad – factor income paid abroad, 可以係正數/負數, 視乎earn from abroad 定 paid abroad 大D。
5. Net export (淨出口)係唔等於 net income from abroad o架! Net export(X-M)係計落GDP入面, 但 net income from abroad 就唔包括係GDP入面o架!

經濟友

會考經濟(24/04/2007) Ben 問:

會考經濟(24/04/2007) Ben 問: 幾耐先會post 一篇出來?十分期待!!~~答題技巧是否預測07 年的題目呢?

Ben,

雖然上個禮拜搞掂完批F7同學, 但今個禮拜更忙於幫F5同學prepare會考, 希望可以有時間post多D料俾你哋睇啦!

經濟友

會考經濟(23/04/2007) Gillry 問:

Gillry : 我想問究竟decrease in import係會令GDP上升定係remain unchanged!? 同埋如果o係elastic demand既goods加tax(本身已經有，而家加多D),甘個tax revenue係升係跌定係uncertain? thank you =)

Gillry,

1. 如果C,I,G,M唔變, 因為GDP=C+I+G+(X-M), 所以decrease in import (M)會令GDP上升。
2. 本身己有sales tax, 再加多D, 令到producer (生產者) 嘅cost of production (生產成本)再高D , 所以supply (供給)再下降D, 結果price(價格)上升, quantity(數量)下降, tax revenue (稅項收益) = per unit tax (從量稅) x quantity, 如果件貨係elastic demand, % decrease in quantity 大過% increase in price (tax) ,咁所以tax revenue 會下降。


經濟友

會考經濟之重點搶分篇(第1講): Factors affecting GDP(需求方面的因素影響本地生產總值)

經濟友估計National income accounting (國民收入)呢課例牌最少10分。



其中可用real life example問點影響GDP, 由香港回歸到家吓10年入面, Paper 1考咗5劑, 包括 98,00,01,04,05年, 同學起碼要知道以下3樣嘢: (1) 喺business cycle (經濟周期)唔同既時期GDP會點? 今年可以考條factors affecting GDP 溝 business cycle 嘅題目, 俾D經濟數據考分析, 係人都知過去呢兩年樓市同股市一齊升,失業率又下降緊,即係recovery (復甦期), 同學只要諗下衣食住行嘅價錢、wage (薪金)同profit (公司利潤), 就解釋到GDP會點。 (2) 嗰D illegal transactions(非法交易) 因為冇official record (官方統計數字) 而冇計落GDP,仲要諗埋佢點影響D legal transactions(合法交易) ,繼而影響GDP。(3) 香港近期發展嘅infrastructure (基建項目)、business projects (商業投資項目) 同埋government policies (政府政策)。



經濟友提醒同學記住GDP = C + I + G +(X-M) 呢條式, 然後諗下邊D component(s), 即 C, I, G, (X-M)升定跌, 就知道GDP升定跌!





經濟友

會考經濟之答題技巧篇(第1講): Items included/excluded in GDP (在本地生產總值內包括／不包括的項目)

呢類題目翻炒咗n咁多次, see Paper 1 嘅98-B9(d) (4M); 00-B9(b)(ii) (4M); 00-B10(b)(iii) (3M); 01-A6 (4M); 02-B11(a)(ii) (6M); 03-B11(a) (5M);04-B10(b) (4M)06-B10(b) (6M), MC睇29/97; 43/97; 60/97; 26/98; 51/98; 24/99; 31/99; 33/00; 49/02; 26/04; 27/04; 26/05。同學記得响Paper 1答呢種問題時, 先寫出立場(Yes/No) –1分, 記得答案解釋 (1分)裡面一定要講明有冇current production of goods/services (今年生產貨品/服務),仲要指出條題目所俾嘅セ野good/service 先會攞滿分, 2006-B10(b)為例, part (i) 齋講 capital transfer「資本轉移」會冇分, 而part (ii)淨講there is current production 「涉及生產活動」, 呢個解釋係攞0分, 一定要指出有banking service 「銀行服務」先得嫁!

經濟友

會考經濟(22/04/2007) Solewa問

Solewa問:

1. Which of the following are indirect taxes?(1)excise duty(2)estate duty(3)rates(4)profits taxAns: B. (1) and (4) onlyWhy?profts tax 唔係direct tax 嗎?excise duty 又是什麼?
2. What would make depositors in HK transfer their local currency deposits to foreigh currency deposits?Ans. There is a widespread belief that the HK dollar is overvalued.我唔明個ans 有冇人可以解釋下?唔該哂 3. 我唔明呢句講嘜A country's popultaion size is said to be optimum if a change in population will lower te country's per capita real income.請問有冇人可以幫助我? thx我已經嘗試唸咗好耐都唸唔倒 唯有向你們求助萬分感謝

Solewa,

1. indirect tax 係指tax burden can be shifted to another party (稅項負擔可轉嫁他人), 同學除咗諗定義外, 記得indirect tax 係tax on goods or services, 題目中嘅(1)excise tax , 即煙酒稅 同埋(3)rates(差餉)就係喇。而direct tax 係指tax burden cannot be shifted to another party (稅項負擔不可轉嫁他人), 同學除咗諗定義外, 記得direct tax 係tax on income, 題目中嘅(2)estate duty (遺產稅)同埋(4)profits tax(利得稅)就係喇。答案應該係(1) and (3).
2. D人覺得Hong Kong dollar overvalued (港元被高估咗), expect 市場會令港元低番並回到equilibrium(均衡點), 港元會變低,換句話講, 即係會depreciate(貶值), 所以D人會transfer local currency (港元)deposits to foreign currency (其他貨幣)deposits去避免capital loss。
3. 首先, 條問題唔完整,唔知想問セ,第二, optimum呢個字只响AL考, 會考o黎講只係出現係long run入面嘅 optimal scale of production (最適度規模生產), 唔會係GDP per capita考, 可以放心!

明白嗎? Solewa

經濟友

會考經濟(22/04/2007) cccmy123 問

cccmyc123問: 如果外國人係香港買野係GDP算export定consumption?係balance of trade又計唔計favourable for visible trade, tourist係咪same case?


Cccmyc123,

1. Tourists 即係外國人,佢哋買嘢嘅支出會計落domestic export of services (本地出口服務),因為零售提供咗service俾佢哋, 如果件貨响香港製造, 即由香港嘅resident producing unit (常住生產單位)生產, 咁就要加埋domestic export of goods (本地出口貨品), 但如果件貨唔係由香港嘅resident producing unit生產, 例如made in China,咁就淨係有domestic export of services. 至於本地人(指香港人)嘅消費就屬於private consumption expenditure(私人消費開支), 如果件貨唔响香港製造, 即唔係由香港嘅resident producing unit)生產, 呢D係入口貨品, 所以要從GDP中扣除, 諗番GDP=C+I+G+(X-M)條式, 嗰件入口貨品嘅價值計咗落C到, 之後响M到扣番。
2. Balance of payment裡面所有items都涉及transactions with foreign countries(同外國有$$$往來), 所以本地人响本地消費, 無論goods or services, 到唔會計落去, 但係外國人响香港買嘢, 因為有domestic export of service, 即係香港收$$$, 所以balance of invisible trade becomes more favourable (無形貿易差額變好), 而balance of visible trade (有形貿易)方面, 香港賣咗件貨$100, 收咗$100 (credit),如果件貨响香港製造, 即屬本地出口貨品, 咁balance of visible trade becomes more favouable(有無形貿易差額變好), 如果件貨唔响香港製造, 即從外國入口o黎嘅, 支出咗$100(debit), 所以balance of visible trade 冇變 (credit $100, debit $100)。
經濟友suggests你做番MCQ 29/04 & 45/06,加強對 GDP 同 Balance of trade嘅了解。
明白嗎, Cccmyc123?

經濟友

會考經濟(22/04/2007) Gillry問:

Gillry 問: Suppose a HK resident camcelled a flight provided by a Japapese airline and got a refund. He than bought a ticket from Cathay Pacific at the same price. This wouldA. increase HK's private consumption expenditure and GDP.B. increase HK's private consumption expenditure and GDP remaind unchanged.C. decrease HK's value of imports and increase its GDP.D. decrease HK's value of imports and its GDP remaind unchanged.answer係A* 但係import吾係應該計入private consumption..之後再o係import度減返架咩!? 甘private consumption吾係應該係remain unchanged咩!?甘個answer點解吾係C既!?


Gillry,

題目入面講咗兩件事:1. cancel Japanese Airlines機票,然後refund, 即係冇買過機票 (セ事都冇發生過), 所以GDP冇變。
2. 買Cathay Pacific Airlines 機票, 由於Cathay (國泰)屬於香港嘅resident producing unit (常住生產單位), 佢提供咗services(服務), 當然計落香港嘅private consumption expenditure(私人消費開支), 用番GDP=C+I+G+(X-M)條式, C升咗, total demand會升, GDP就會升喇, 答案係A

明白嗎, Gillry?

經濟友

會考經濟(22/04/2007) Ben 問

Ben問: wa 真係大開眼介...解釋十分之詳盡.太西利了
...如果 MCQ 41/02嘅y-axis由growth rate (%)改變成absolute change(unit:$), 敢個答案會係…?is that B?Rate of change / Growth rate / Percentage change 呢3樣野如果係正數slop 上升的話,姐係increase in a increasing rate?,slop 下降但係仲係正數的話姐係 incrase in a decreasing rate?咁如果個slop 係負數上升緊不過未到正數,係咪decrease in a decreaing rate? 咁如果個slop 係負數下降緊,咁係咪decrease in a increasing rate 呢?咁個slop 由正數下降到負數,咁低過左0個條line,係咪個實數係下降左呢?我仲想問下 potential GDP同actual gdp 同expansionary effect 同contraction effect 有冇out-到c 呢?多謝你的回答..

Ben,

1. 答啱啦, Ben!!!不過可以諗得簡單D。 MCQ 41/02(原裝版):若果y-axis係growth rate, 由於分子(G)上升10%, 多過分母(GDP)嘅上升(<10%),所以G/GDP會上升, 答案係A。(經濟友改編版):若果y-axis係absolute value (以$為單位),由於分子(G)嘅amount冇變, 而分母(GDP)嘅amount上升,所以G/GDP會下降, 答案係B。
2. Actual GDP(實際本地生產總值)緊係冇out syl啦, 而且勁重要添! 淨係Paper 1 過往10年都考咗5次, 必定用real life example問點影响GDP (唔洗寫明係actual, 因為understood o架啦) See 98-B11(c)(i) (4M);00-B9(b)(ii) (4M);01-B11(a)(ii) (5M);04-B10(c),05-B11(a) (5M), 同學只要記住GDP = C + I + G +(X-M) 呢條式, 然後諗下邊D component(s), 即 C, I, G, (X-M)升定跌, 就知道GDP升定跌, 經濟友遲下會講2007/08有セ嘢case考得。MC就做吓22/97; 29/97; 34/00; 29/01;29/04; 31/04; 30/05; 32/06吧!
3. Potential GDP(潛在本地生產總值) 都冇out syl, 主要考MC, 同學諗番F4學嗰4 factors of production (生產要素)就揾到答案, MC試吓做31/04。
4. 家吓個syllabus唔洗寫出expansionary (升)/contractionary (跌)effect, 講到GDP升定跌就OKo架喇。
5. 經濟友响呢度提番同學今年會考National income accounting(國民收入計算) out咗syl 有以下concepts:

(i) Components of GDP compiled under the income approach (用收入面計算GDP) , 例如MCQ 34/01, 26/02 就out 咗syl。
(ii) Calculation of NDP and NNP at market price/factor cost(以市價/要素成本), 例如MCQ 34/04 就out 咗syl, 但係GDP and GNP at market price/factor cost就要考嫁!

清楚嗎, Ben?

經濟友

會考經濟(22/04/2007) ecoson 問:

ecoson問: Acooding to the question trend,can you help me to tip some questions will appear in 2007 hkcee eco exam..thx!!

ecoson,

經濟友o黎緊會同同學分享2007/08熱門題目, 同埋重點搶分位, 仲會同大家探討有邊D城中熱話會被「借題發揮」,需應用D咩concepts。

經濟友

會考經濟(21/04/2007) Ben 問:

Ben 問: 我想問下做mc 的 時候經常做到一d 圖表ge 題目.通常見到個Y-axis 係rate of change 同 growth rate.仲有冇其他的東西可以放落Y-axis 度呢?仲有我想問下rate of change 同gowth rate 有咩分別呢? 我仲想問下 交稅個4大原則仲使唔使背呢?多謝你的回答

Ben,

1. MC出圖表嘅題目主要來自National income accounting(國民收入計算), Inflation, unemployment & BC (通脹、失業及經濟周期), Public finance (公共財政), Exchange rates & B/P accounts (匯率及國際收支平衡表)呢4大topics。個y-axis最多出嘅係rate of change, 主要考price level(價格), nominal (名義) and real (實質)嘅關係, see MCQ 27/97, 33/99, 31/01, 3/02, 而考判斷business cycle(經濟周期)有MCQ27/99, 28/02, 同埋考balance of trade(有形貿易), see MCQ 48/03. 至於仲有冇其他的東西可以放落Y-axis 度呢?有!!!例如俾price index (物價指數), 唔係 % change! See MCQ 25/97, 34/05, price index 上升, 即係有inflation, 所以purchasing power of money (購買力)下降 。經濟友俾條問題考下你, 如果 MCQ 41/02嘅y-axis由growth rate (%)改變成absolute change(unit:$), 敢個答案會係…?

2. Rate of change / Growth rate / Percentage change (改變之百分比) ---呢3個意義相同,同學最緊要留心條curve嘅% change係正數/負數,唔好齋睇條curve嘅slope係上升/下降就莽下判斷,死硬!就攞MCQ 27/97 & 33/99為例,好多同學一睇見條curve向下就話係deflation(通縮), 其實係price increases at a slower rate(通脹放緩), 但仍然有inflation, 呢嗰現象叫disinflation, 係唔等於deflation 架!

3. Principle of taxation (交稅4大原則) – Paper 1嘅99-B10(c) (4分);02-A8 (4分),05-A8 (4分)出過, 經濟友見佢Paper1逢3年出1次(99,02,05), 每次嗡兩個principles(4分), 所以估佢下一水會係2008出, 而出MC嘅機會就有少少啦, (係40/00; 39/02; 43/05出過)

答唔答到你呀,Ben?

經濟友

會考經濟(21/04/2007) 小霸王問

小霸王2046問: ce econ要a呢..要幾多...洗唔洗overall 見到9字頭?

小霸王,
Overall嚟講,會考Econ攞A要達到90%, Paper 1 要有80分 (total 90分), 而MC 就唔可以錯多過4題 (total 50題).

經濟友

會考經濟(20/04/2007) SonofEco 問

SonofEco 問:RMb vs hk dollarYear
Exchange rate1984 HK339=RMB100
1985 hk266=RMB100
(1)In terms of hk dollars what was the effect of the above change in the exchange rate on the 1985prices of books in China?(2marks)

(2)Mr chang spent more hk dollars to buy book in china in 1985 than in 1984 .Using concept of price elasticity of demand and your answer in (1),explain this phenomenon with the aid of a diagram.(8marks)how to draw this diagram ??Is it since the hk dollar appreicate against RMB,the price of book in china in terms of hk dollar increase fromP1 to P2, the quantity demanded for these books decrease fromQ1 to Q2.As the demand for China books is inelastic,the percentage increase in price is greater percentage decrease in quantity demanded,so the total expenditure increase?Am i correct??

SonofEco,

呢條係好典型嘅 Exchange rates & Ed + area (率,需求價格彈性+面積)題目, see 98-B11(b)(8M), 02-B12(a)(ii)(7M), 06-B10(a)(ii)(6M)

Remarks:
1. 首先判斷邊隻貨幣appreciate(升值)/depreciate(貶值)
2. 答price嘅時候,要小心係in terms of domestic currency/foreign currency(以本地貨幣/外幣計算)
3.如果題目涉及出入口,咁就要留心題目係問export/import(出口/入口)嘅price(價格),volume(數量),or value(總值)
4.見到呢條題目俾咗total expenditure(總支出), 即係考area (price x quantity), By law of demand(需求定律, 因price(in terms of RMB)低咗, quantity demanded(需求量)上升,
5. 當price 同quantity係反方向,咁area就會uncertain, 要示乎Ed(其實呢條題目提晒水啦"Using concept of price elasticity of demand”), 要做到area大咗,咁緊係%­in Qd > %¯ in P, 所以一定係elastic demand(彈性大於1), 同學千萬唔好漏寫percentage(百分比) --2分,同埋price & quantity 嘅方向-- 1分, 如果寫成”change in Qd is larger than change in price(只寫出數量同價格 “改變” , “幅度”) 咁就 0分
6. 畫供需圖時,留心y-axis 係price in terms of HKD, 幅圖要顯示price & quantity 嘅方向,最重要係shade area, 要做到area + 大過area -, 緊記要寫+/-, 跟據2006年嘅marking, 如果冇顯示+/-, 或+/-顛倒, 或area + 大唔過area -, 咁成幅圖就0分.

Suggested answers:
Q1 (total:2M)
The price of books in China in terms of HKD decreases (1M)
because HK dollar appreciates against RMB/ RMB depreciates against HK dollar (1M)

Q2 (total: should be 6M)
Diagram:
increase in total expenditure (TE) is larger than decrease in TE (2M)
Verbal explanation:
Mr. Chang's demand for books in China is elastic (1M)
When price of book in terms of HKD decreases, quantity demanded increases (1M)
% increase in Qd > % decrease in P (2M)-->gain in TE > loss in TE --> TE increase.


經濟友

會考經濟(20/04/2007) Karen 問

Karen 問 : 邊際報酬遞減定律
如果會考佢俾個表你(eg. 2001年LQ Q.3),指出勞力不斷增加,機器數量不變,又俾埋個總產出,跟住要你解釋可以說明咩經濟學定律,咁我答題果陣,可唔可以好似marking scheme咁又畫個表出黎,係有勞力+機器+邊際產量,黎解釋俾佢知,邊際產量會下降??

Karen,

01-A3嘅同款題目包括97-A3,00-A4,03-A2,06-A4(average:6分)都係用同一模式作答.
1.寫出law of diminishing marginal returns (邊際報酬遞減定律)嘅定義 -->3分
2.列表, 必須顯示兩行數字--variable factor(可變生產要素) & marginal product (邊際產出)
注意:
(i)variable factor 未必係labour(勞力), 例如03-A2, variable factor 係machine(機器), 而labour 係fixed factor(固定生產要素), 同學要留心,生產要素會隨產出數量改變而改變,咁佢就係variable factor
(ii)先判斷題目係short run(短期)定係long run(長期), 如果題目冇fixed factor, 只有variable factor, 咁就係long run, 所以 law of diminishing marginal returns 一定唔會apply, see 98-A4, 考生如果列表嘅話, 就算立場正確(答No),都0分!
(iii)題目如果係俾average product(平均產出), see 00-A4 & 03-A2, 咁就要計埋total product(總產出), 即係嗰表要畫3行, calculation -->2分

3.跟據以上畫嘅表寫出立場(答Yes/No),然後講出marginal product由第幾個variable factor開始下降 -->1分, (注意: 01-A3 小心marginal product 係第14個labour開始(WHEN the 14th unit of labour)下降, 或者可寫成第13個abour之後(AFTER the 13th unit of labour)labour下降,同學如果寫錯WHEN同AFTER,咁就攞唔到呢1分 0架啦
Remark:2006同2003嘅marking唔同, 舊年冇做step 3就攞唔到滿分,而2003嗰年唔洗

經濟友

會考經濟(19/04/2007) engine 1177 問

engine 1177 問:
我想問以下科目要A平均大約要有幾多分??Phy,, Chem,,Bio,,Math,,A.math..Econ,,PA

Engine 1177,

Overall嚟講,會考攞A要達到90%, Paper 1 要有80分 (total 90分), 而MC 就唔可以錯多過4題 (total 50題).

經濟友

會考經濟(19/04/2007) kingsleydog問

kingsleydog 問: 會考 econ overall 要幾多% 先有 c/b/a?

Kingsleydog,

Overall嚟講,會考攞A要達到90%, B 要達到85%, C 要達到73%

經濟友

會考經濟之數據分析篇(第3講): 奪A要咩成績?

上學期開學冇幾耐已有F4同學問經濟友呢嗰問題, 究竟Paper 1 要攞幾多分先A到? MC唔可以錯多過幾多題個A好穩陣? Overall嚟講,會考攞A要達到90%, C 要達到73%, 而Pass就要達到44%。

會考經濟(19/04/2007) Stephanie問

Stephanie問: 我想問2007年會考經濟,各位主要溫習邊幾課???可唔可以詳細列出你地溫ge課題,我想睇下大家貼ge試題有幾唔同...互相研究...唔該!!!!

Stephanie,
參考會考經濟Structural Question & MC 分析啦!

經濟友

會考經濟(19/04/2007) Eric 問

Eric 問: 畫供需圖時,用黑原子筆好or pencil好d? d卷要入電腦比人改,如果用黑原子筆去畫,畫錯左,好難改,又要用左塗改液,會唔會無咁好?(改卷o個位仁兄會唔會睇得唔清???) 如果用pencil,又驚入左computer會唔清楚???

Eric,
梗係用pencil畫供需圖啦!如果需求曲線或供給曲線向左/右移,就應該用黑色/籃色原子筆畫,一般用pencil寫P1, Q1, 黑色/籃色原子筆寫P2,Q2.如果要shade area,最好用螢光筆顯示,但記得唔好用紅筆(marker use only) 及綠筆(checker use only). By the way, computer scanning 係以防試卷漏失, marker 只係改你嗰份手寫script (question answer book).經濟友建議盡量避免用塗改液,唔係marker睇晤清楚,而係好多考生唔記得填番D塗改液位置而失分.
經濟友

會考經濟之數據分析篇(第2講): MC 分析 (1997-2006)

以往有好多有potential 攞A嘅同學問經濟友,明明Paper 1做到around 80分, MC 又識晒,以為A到, 點解都撻Q?其實大多數係因為MC錯多過4題所致。翻查過去幾年嘅MC report, 每年平均最少有6題好tricky嘅問題 跣D考生 (accuracy 低於40%)，致命嘅根源主要係Demand, supply and price(需求,供給與價格)、Money and banking (貨幣與銀行) 、National income accounting (國民收入計算) 、Public finance (公共財政)呢4大topics，經濟友建議同學多D操練呢4課MC要害,必須掌握唔同款式的問法(無論文字題,睇table,睇graph,計數或分析),齋靠死背定義一定唔work o架!

經濟友

會考經濟之數據分析篇(第1講): Structural Question分析 (1997-2006)

跟據統計，精通Demand and Supply 嘅題目可穩奪全卷25%或以上的分數。經濟友建議同學除咗勁鋤Demand and Supply 嘅pastpaper外,仲要煲行F5果5個重分topics - Money and Banking(貨幣與銀行)、National Income Accounting(國民收入計算)、Inflation, Unemployment & Business Cycle(通脹、失業及經濟周期)、Public Finance(公共財政) 同埋International Trade(國際貿易), 佢哋每個topic佔10分, 加埋佔全卷約60%的分數。