「見鬼勿O嘴」、「潛水怕屈機」

「見鬼勿O嘴」、「潛水怕屈機」, 考緊會考嘅同學可能一聽到就火都嚟埋! 報紙都有講份卷搞到d考生寧願着黑衫都唔着紅衫支持「中國加油!」, 聽落好似有d誇張咁。潮語潮考潮學生引嚟極大爭議, 有人覺得考評局夠update, 潮語hit爆度媲美《溏心》大契金句, 但亦有可能有人話自己「入世未深」未聽過。話時話有幾多人睇過《溏心》又記得裡面有個叫大契嘅人講過d乜嘢? 經濟友睇過某幾集《溏心》但大契講嘅金句就真係嗡唔出。生果報訪問嘅其中一個大學生話咁搞法MK仔實A啦, 咁其他non-MK人拎咩grade呢? 唔通hit爆嘅潮語齋局限MK仔果堆入面?

其實最大問題係考嘅潮語d定義出現唔同version, 考生最怕答嘅同考評局唔同而攞唔到分, 生果報小記篇嘢叫以為潮語為「潮州語」嘅人 (爛gag!!)睇吓《香港潮語學習字卡》入面嘅潮語解釋, 其中有講「賣飛佛」(my favourite)例句：「我都唔唱K，跳舞先係賣飛佛。」經濟友細細個果陣都已經聽過見過呢類英譯中嘅字, 類似嘅仲有「托弗」(top fit), 「餐士」(chance), 「骨」(good)等, application例句：「我今日狀態托弗, 連阿Sir都話骨, 有餐士攞A!」唔通咁都算潮語? (O晒嘴!!) 係嘅話d馬經都潮咗好多年lu!

講到尾考d所謂潮語有冇point? 可以將學生分等級? 定係分學派(按不同定義)? 唔通統計吓學生有幾MK? 定係測試吓MK度跟識潮語嘅定義有冇corelation? 經濟友估係純粹製造一個「hit爆」話題俾學生用唔同嘅觀點角度討論一吓, prepare 定考oral討論skills, 有point!




(Source: 蘋果日報 03/05/2008)





(Source: 星島日報 03/05/2008)


經濟友

有關報讀高級文憑課程資訊

(Source: 星島日報 02/05/08)

經濟友

有關副學士消息(2)

喺香港升讀大學但又想逃避高考嘅艱苦「考驗」, 個個都知最佳方法係响嚟緊嘅會考「去盡」佢鋤夠「6條煙」換領大學入場券,但機會低過半個巴仙 (上屆約十萬會考生入面只有420尖子成功攞到飛)。可能都有同學打算會考畢業後選擇讀副學士先修班，然後升讀副學士, 諗住兩年後升上大學, 但睇咗呢排咁多有關副學士嘅負面消息可能要好好重新部署過。

(Source: 星島日報 14/04/08)

(Source: 頭條日報 14/04/08)

經濟友

有關副學士消息(1)

呢幾日報紙都有講關於副學士嘅問題，政府發表專上教育界別檢討第二階段檢討報告，提出多項提高副學士教與學質素嘅建議, 孫明揚宣布停止增加副學士名額, 提出咗22項方向性建議，提升有關課程嘅規範同質素，承諾政府會帶頭增加副學士嘅認受性，新學年即會倍增公帑資助大學銜接學額至近二千個俾副學士報讀。



(Source: 星島日報 11/04/08)



(Source: 成報 11/04/08)



經濟友

中六優 先 取 錄 計 劃消息

中 大 攬 半 數 會 考 尖 子: 本 屆 中 六 生 優 先 取 錄 計 劃 的 結 果 今 日 公 佈 ， 今 年 有 420 名 合 資 格 學 生 獲 得 取 錄 ， 較 去 年 多 4% ， 只 有 3 人 不 成 功 。 中 文 大 學 取 錄 人 數 最 多 ， 佔 近 一 半 ； 香 港 大 學 取 錄 了 五 名 10 優 狀 元 ， 較 中 大 多 一 名 。
港 大 收 五 名 10 優 生。

今 年 有 423 名 在 去 年 會 考 取 得 六 科 A 或 5* 級 成 績 的 中 六 生 參 加 ， 中 大 昨 公 佈 合 共 取 錄 206 人 ， 是 三 年 來 最 多 ， 當 中 170 人 是 以 中 大 課 程 為 首 選 ， 較 其 他 兩 校 為 多 。 港 大 則 取 錄 170 人 ， 93% 以 港 大 為 首 選 ， 港 大 稱 比 例 是 三 大 之 冠 ， 平 均 各 人 在 會 考 取 得 7.3 個 A 。 科 大 取 錄 了 44 會 考 尖 子 ， 較 去 年 多 3 人 。 其 餘 五 所 政 府 資 助 專 上 院 校 沒 有 參 加 此 計 劃 。 去 年 會 考 產 生 十 名 10 優 狀 元 ， 當 中 九 人 參 加 尖 子 計 劃 ， 港 大 今 年 只 囊 括 其 中 五 名 ， 另 四 名 則 被 中 大 搶 去 。 取 錄 9 優 生 方 面 ， 港 大 和 中 大 也 接 近 打 成 平 手 ， 分 別 取 錄 21 及 19 人 ， 餘 下 一 名 9 優 生 入 讀 科 大 ， 是 該 校 取 錄 的 最 佳 成 績 尖 子 。 港 大 表 示 ， 全 數 報 讀 醫 科 的 3 名 10 優 狀 元 均 被 港 大 取 錄 ， 15 名 報 讀 醫 科 的 9 優 尖 子 ， 14 人 入 讀 港 大 ， 醫 科 也 是 港 大 最 多 尖 子 入 讀 的 課 程 。 該 校 宣 稱 「 為 保 持 入 學 學 生 的 質 素 ， 今 年 放 棄 了 數 十 名 列 港 大 課 程 為 首 志 願 的 尖 子 申 請 人 」 。

(Source: 蘋果日報 09/04/2008)

(Source: 經濟日報 09/04/2008)

經濟友

會考經濟之考生犯錯篇(第7講): Application on perfectly inelastic supply (完全無彈性供給之應用)

踏入Mock exam時期, 相信大多數F5同學正努力操練pastpaper, 大家做咗07-B8(a)嘅話會留意到呢題同05-B9(b)(i) --- 睇番會考經濟之考生犯錯篇(第6講) 同埋06-B9(a) --- 參考吓會考經濟之考生犯錯篇(第5講), 佢哋考嘅concepts同問法非常相似, 同學可重温經濟友响會考經濟之數據分析篇(第8講) 嘅分享。07-B8(a)呢題其實比對上兩年嘅題目仲淺咗, 因為題目話埋俾人聽 “the problem of shortage of university places in Hong Kong has worsened” (香港的大學學額更為短缺), 跟本唔俾機會人諗吓究竟考shortage/surplus (短缺/盈餘) increases/decreases (增加/減少), 簡直係畫公仔畫出腸, 考生唔駛「診斷」條題目, 只需「照單執藥」, 咁當然要識字先識執藥 (即執分)啦。但check番2007年annual report, 發現舊年嘅考生响同一款嘅題目仍繼續頑強地錯, “failed to indicate the initial position correctly in the diagram” (未能在圖中正確顯示原先的情況), 由此證明歷史不斷重演, 所以d題目翻炒再翻炒, 有跡可尋! 咁今年係咪 “一定”會再出番? 經濟友梗係唔保証 “一定”啦! 邊有手術係100%冇風險? 有咩投資係零風險? 經濟友可以講到嘅事實係呢款題目由2005年新課程開始一直都「未甩過」, 所以經濟友 “一定”唔敢博佢唔出囉!

經濟友

會考經濟之考生犯錯篇(第6講): Application on perfectly inelastic supply (完全無彈性供給之應用)

同學有睇過2005年annual report嘅話, 會發現經濟友响24/02/2008 post嘅會考經濟之考生犯錯篇(第5講) 入面提及過考生主要失分嘅原因係審題時冇留意initial position 同final position, 一模一樣嘅毛病其實响05-B9(b)(i)已經出現過。俾親考評局comment考生答得差嘅題目响下一年嚟翻炒嘅機會極高, 所以想知佢出咩題目必先睇吓佢份report寫過咩嘢, 再做埋statistics配合技術分析最少可以tip到一半以上嘅題目, 經濟友有時間嘅話就同大家分享一吓啦!

經濟友