會考經濟之數據分析篇(第7講):Checklist of definitions (定義一覽表)

Xtadpolex 問: 有冇人有ce 裹要背的 definition ar? 有冇一張有齊所有ｃｅ要背的definition list


會考經濟裡面要讀嘅definition(定義) 有好多, Paper 1考過F4學嘅concepts有呢d:



响Paper 1度一見到“state” the law of diminishing marginal returns (「寫出」邊際回報遞減定律), “name and explain” what type of expansion (解釋上述情況屬於何種類型的擴張) 呢類題目, 只要寫到定義就執到幾分。

經濟友提番同學,齋靠「死背」定義响某d 題目係攞唔到分, 例如舊年06-A2大部份考生都講到opportunity cost(機會成本) 嘅定義, 但可惜衰答題技巧而攞唔到full mark, 甚至攞0分! 同學可以睇番會考經濟之答題技巧篇(第4講)。又例如題目問响某d交易計唔計落GDP (本地生產總值), 一味靠「死背」定義嘅考生就食蛋喇! 同學可以參考吓會考經濟之答題技巧篇(第1講)。

經濟友

會考經濟(15/05/2007) kwan ho問 (part 2)

kwan ho問: (part 2)
4.答問題既時候洗唔洗話:demand increase from D1 to D2?quantity transacted increase from P1 to P2?定係就咁increase/decrease就得??
5. 表示total revenue 應該用shade or 加減符號??
6. supply curve inelastic/unitarilly/elastic點畫??仲有冇d要小心會扣分既地方???由於我是自修的,冇老師問,所以希望你可以解答我既疑問thanks

Kwan ho,

4. 講到demand increases (需求增加)已經中point, 攞1分, 想執晒傳意技能嘅分數, 就要嗡埋demand因咩事增加, 經濟友建議同學最好寫埋 “from D1 to D2”, “from P1 to P2”, “from Q1 to Q2”, 因為如果供需圖上面未能清楚顯示demand (需求), price (價格)或quantity (數量)嘅改變方向, 寫咗呢d補充 “from…to …”响文字解釋度, 可以救番完本圖示失去嘅分數, 呢招叫「字補圖」!

5. 如果要攞full mark, 兩樣都要做齊。顯示total revenue嘅改變, 首先要shade面積改變嘅部份, 然後寫上「+」(或「-」) 响 shaded 面積上, 俾marker 睇到total revenue增加 (減少)。

6. 响Paper 1係未試過要畫supply curve inelastic/unitarilly/elastic嘅圖, 同學只需明白呢d supply curve(供給曲線)响以上3種彈性嘅情況下, 條curve 會cut x-axis/ origin/y-axis就夠喇!

除咗「字補圖」 呢招之外, 畫供需圖嘅其他招數就有時間再講多d啦!

「由於我是自修的,冇老師問……」, 唔駛驚!可能仲好呀!經濟友讀中學果陣唔會好過你, 因為Econ阿Sir實在 「太掂」, 令全班同學深深明白到自己去揾去睇econ書嘅重要, 最大得着唔係拎A, 而係大大提升自修技能, 到讀U時你就體會得到, 繼續努力吧!

經濟友

會考經濟(15/05/2007) kwan ho問 (part 1)

kwan ho問: 我想問下有關supply/demand 既圖 1.當條curve移位既時候洗唔洗畫arrow?2.price/quantity 變又洗唔洗arrow?3.x同y-axis 點寫? price/price($)?quantity/quantity(unit)當係講人工既時候唔寫wage rate寫 price ok?

1. 跟據會考demand and supply (供求)問題嘅評分準則, 考生必須清楚顯示demand curve (需求曲線) / supply curve (供給曲線) 左移或右移, 最理想係寫上
(a) D1 同D2, S1同S2外,
(b) 仲有埋正確嘅arrow (箭咀)方向,
舊年嘅marking係是但做咗(a)或(b)都ok, 但如果想畫demand curve 右移, 只要是但錯以上(a) D2响D1嘅左面, 或 (b) 箭咀指向左, 敢就冇分o架喇!

2. price (價格) 同quantity (數量)改變嘅圖示分數評分準則同以上demand/supply 改變一樣。

3. Y-axis 寫 P (價格), x-axis 寫Q (數量) 就ok架喇。如果題目係問及labour market (勞動市場), 敢咪要將y-axis 寫成 wage rate (w) 或 price of labour就得喇!

經濟友

會考經濟(11/05/2007) roycyc2005問

roycyc2005問: 我覺得2樣好混亂係咩條件下先係打直呢?如果題目內無提及時間既長短咁供給定律下~果個所謂"某一時間內"應該點定義呢?例:在繁忙時間內~地鐵服務出現擠迫~以一幅供需圖解釋上述情況keypoint我覺得係繁忙時間,同擠迫2字蛋係~擠迫~又是否代表去到極限~是否代表s係擠迫既moment唔會因p上升既提供更多呢?如果係既咁.."擠迫"同"達到地鐵服務既最高容量"既定義是否相同呢?(2個字眼係分別係2份卷中睇出的),以上一d字眼係我係學校小測到睇番黎本人不才~請各人指點!thank you以上我呀sir都話係s係打直但係我有d懷疑~覺得有灰色地帶~so想問下

Roycyc2005,

响你嘅問題裡面睇得出你明白upward sloping supply curve (斜上的供給曲線)同perfectly inelastic supply curve (完全無彈性供給曲線)有咩分別, 只係俾題目用字上,例如 「擠迫」困擾到唔知條supply curve係「打斜」定「打直」。由1991年至2007年入面,Paper 1用real-life situation應用perfectly inelastic supply 呢個concept, 包括 public medical service (公共醫療服務)、football match tickets (足球門票)、taxi license (的士牌照)、maximum capacity of MTR trains (地鐵列車最高乘客限制), hotel rooms available (酒店房間數目), university places (大學學位數目)等, 一共考咗12次, 曝光率高達70.6%, 詳細分析可以睇番會考經濟之重點搶分篇(第4講) and 會考經濟之考生犯錯篇(第4講)。呢d application都係就算幾貴, 供應量都冇得再多。

其實有d case係「打斜」或「打直」supply curve 都得, 譬如舊年06-B9(a) 問及酒店房間數目, 題目冇講明酒店可唔可以随時加房, 所以舊年嘅marking 準則係「打斜」或「打直」supply curve 都接受, 經濟友俾少少建議同學, 諗吓個數量可唔可以郁, 見到 “maximum capacity” (最高限制) –e.g. MTR trains, “fixed supply” (固定供給) –e.g. taxi license, 就知道係「打直」supply curve喇! 仲有, 如果題目講嘅係政府提供嘅貨品或服務, 例如公共醫院排隊輪街症, d 籌係「打直」supply curve, 因為派晒就冇, 有錢都冇得傾, 明天請早啦! 除非政府學私人機構敢因price (價格)上升而增加quantity supplied (供給量), 敢嘅話就咪「打斜」supply curve囉!

經濟友

會考經濟(10/05/2007) dennis170191問

dennis170191問: 我想問long Q 要你答原因既問題洗唔洗解釋??or只係答point就有分???好似lee題: 93 1ciiAfter the opening of this branch, the unit cost of producing hamburgers is lower. Give TWO economic reasons for this.Marking的答案:-economies of scale-lower cost of keeping reserve for maintenance and operation-management economy-technical economy.....等等如果我好似marking咁答只寫point會唔會扣分????

Dennis,

Economies of scale (規模經濟) 題目嘅評分準則係每個point 俾2分, 每一個point 要寫name(邊種規模經濟), 例如 management economies(管理上的經濟) ---1分 + explain(解釋), 例如 A larger firm has a wider scope of specialization and it can employ more professionals. Hence, efficiency is improved and average cost is lowered. (規模較大的廠商可享受分工帶來的好處，可以聘請更多專業人事。因此，效率上升和平均成本下降。) ---1分, 題目通常要求答2-3個points, 同學响Marking scheme見嘅答案只列出name, 方便marker 改卷, 考生咁答就每個point 只係攞1分,記得要explain! 仲有, 解釋入面一定要講到因output(產出)增加而令average cost (平均成本)下降, 咁先攞到full mark +攞盡埋傳意技能分數o架!

經濟友

會考經濟(10/05/2007) kalayee問

kalayee問: 睇左你幾篇文章,覺得非常有用,真是感謝!我下年先會考,我想問問,係邊種情況下先要答time cost? 因為多數題目唔會指明要你答time cost,假若我在一些沒需要答time cost的題目答了,豈不是很浪費時間?

Kalayee,

其實time cost响會考嘅structural question 出現得唔算多, 主要响AL嘅essay question度考。題目唔會指明要你答time cost, 因為敢即係俾埋答案你。係邊種情況下先要答time cost?經濟友建議同學一見到opportunity cost (機會成本)嘅題目時, 首先要諗 full cost (全部成本), 即係除咗响做一件事所需要付出嘅金錢外, 仲要考慮吓做果件事令你犧牲咗d乜, 即係做唔到另一樣嘢嘅代價。第二, 無論係structural question 或 MC, 離離去去都係考慮以下是但一個point:

1. non-money cost(非金錢成本) --- 只要明白Full cost= money cost+ non-money cost, 諗吓做果件事令你冇咗d咩non-money嘅嘢, 例如04-A2 (c)問放棄教席嘅opportunity cost, full cost包括 money cost ---即做教師果份人工 + non-money cost ---冇咗非金錢報酬, 例如冇咗教掂學生攞A嘅滿足感。

2. time cost (時間成本) --- 除咗Paper 1嘅05-B9(c)之外, 大家不妨參考理MCQ 2000 Q.2, 問陳生同黄生會揀搭火車定係搭飛機, 同學只要諗番Full cost, 包括 money cost ---車票/機票價錢 + time cost --- 因為搭火車/飛機呢段時間而犧牲咗做某d嘢, 即 “highest-valued alternative use of time”(最高價值的其他用途), 如果用金錢去量化“highest-valued alternative use of time”, 即income forgone (賺唔到d錢), 敢就可以計算出 各人搭火車同埋搭飛機嘅full cost, 然後揀果個低full cost 去搭啦!

經濟友俾多一個application問吓同學, 如果你lunch之後唔上2堂 Econ, 逃學走去排隊買2張蜘蛛俠戲飛同男朋友 (女朋友)睇, 如果1張戲飛 $60, 而Econ阿 Sir上親堂都俾好多猛料你, 兩堂入面簡直係袋咗$500落你袋度, 敢你嘅time cost係乜?再計吓你逃學去買戲飛嘅opportunity cost (即full cost)啦! 一句講晒, 諗full cost就知道駛唔駛考慮time cost喇!

Kalayee, 答到你嘅問題嗎?

經濟友

會考經濟之重點搶分篇(第5講): Time cost (時間成本)

Time cost (時間成本) 呢個concept响05-B9(c)考過。

Time itself is not a cost. (時間本身不是一個機會成本。) 以塞車為例, 如果塞3粒鐘, 經濟學所指嘅time cost (時間成本) 唔係3粒鐘, 而係果3粒鐘呢段時間入面嘅 “highest-valued alternative use of time”(最高價值的其他用途), 最容易理解嘅方法係諗吓你响呢3粒鐘可以做d咩? 如果有5樣嘢可以揀嚟做, 就排吓呢5樣嘢邊樣最想做至邊樣最冇咁想做, 所以time cost就係因為塞車而被放棄嘅選擇中價值最高果樣嘢。

同學可以諗吓, 如果你同李嘉誠搭同一班機返香港, 一齊delay咗2粒鐘, 你同李嘉誠嘅time cost 一樣嗎? 答: 「一樣, 因為大家都冇咗2粒鐘」, 錯喇! Time cost 並唔係以幾耐 (即幾多粒鐘)計算。答: 「唔同, 因為大家嘅highest-valued alternative use of time唔同」, 啱喇! 最容易寫嘅解釋係考慮呢段時間入面 income forgone (唔見咗幾多錢), 例如你本來果2粒鐘去幫人補習, 收費一粒鐘$50, 敢你咪因為delay 而放棄咗賺$100($50 x 2) 補習費,而李嘉誠本來果2粒鐘去簽張$1億嘅合約, 因為delay 而放棄咗賺呢$1億, 所以你同李嘉誠嘅time cost係唔同o架!

經濟友想問吓同學, 如果你同李嘉誠返香港後果2粒鐘冇打算做任何野, 敢你哋嘅opportunity cost 會一樣嗎?

經濟友