會考經濟之答題技巧篇(第3講): Time management (時間管理)

kky 喺 29/04/2007 發表意見: 經濟友︿︿你好丫！睇咗你咁多篇經濟文章．．真係令我學到好多嘢．．鞏固左我經濟學既基礎．．真十分感激!就快考經濟喇～（仲有唔夠４日）真是十分好緊張．．經濟友小弟有個少少既要求．．可唔可以係考之前果幾日教下我地既作答果陣時既技巧（譬如：答果陣時既時間分配）．．有好既功夫配合完美既臨場發揮／／這才能夠盡展所學吧，，感激！

其實有關會考攻略、考試心法、答題技巧等, 經濟友都會係平時堂上幫學生操pastpaper果陣講, 喺佢哋考mock前講嘅答Paper 1 and MC策略、考生注意事項同應試準備都要用兩堂時間講, 好難用三言兩語响度全部同大家分享晒, 抱歉。而答題時間分配就可以簡單d話俾同學聽, 不妨參考吓啦!

另外, 琴日有學生打o黎要求經濟友提番佢關於香港過去一年有咩新聞可以考, 不如响度同大家分享吓:

除咗昂坪360同機場擴建之外, 香港近期有咩發展嘅infrastructure (基建項目)、business projects (商業投資項目) 同埋government policies (政府政策)? 不妨參考番會考經濟之重點搶分篇(第1講): Factors affecting GDP(需求方面的因素影響本地生產總值)裡面 經濟友俾嘅其他例子。

經濟友今日whole day會同學生作最後衝刺, 所以冇時間回覆未答嘅問題, 要同大家say sorry! 同學今晚千祈唔好太夜瞓, 以免聽日睇錯題目而輸埋d寃枉分, 經濟友最驚聽見d寃魂講佢睇錯邊邊題而白白唔見咗好多分。祝大家贏場漂亮嘅仗番嚟! Wish you all good luck and every success in your exam!!!

經濟友